Жаңалықтар

КМУ-де гемостаз және жарақаттарды емдеу саласындағы инновациялық шешімдерді әзірлеуге мамандандырылған Axio Biosolutions Pvt. Ltd. халықаралық компаниясымен онлайн жұмыс кездесуі өтті.
Келіссөздер барысында тараптар клиникалық практикаға заманауи медициналық технологияларды енгізу перспективаларын, сондай-ақ бірлескен ғылыми-зерттеу және білім беру бастамаларын дамытуды талқылады.



Компанияның инновациялық өнімдеріне, оның ішінде қан кетулерді жылдам бақылауға және халықаралық тәжірибеде жоғары тиімділікті көрсеткен созылмалы жараларды емдеуге арналған шешімдерге ерекше назар аударылды.
Кездесу қорытындысы бойынша тараптар мүдделілігін растады:
пилоттық жобаларды іске асыруды, клиникалық зерттеулер жүргізуді және Қазақстанда медициналық бұйымдар өндірісін оқшауландыру мүмкіндіктерін пысықтауды қоса алғанда, ұзақ мерзімді әріптестікті қалыптастыруда.