Жаңалықтар

Академиялық ұтқырлық бағдарламасы аясында 2026 жылдың 27-30 сәуір аралығында Қарағанды медицина университетіне Шмидер клиникасының нейрооңалту бөлімінің медициналық директоры, профессор Йоахим Липерт және Лурия атындағы институттың (Германия) ғылыми қызметкері, жаратылыстану ғылымдарының докторы Аида Зелле ресми сапармен келді.
Сапар барысында профессор Йоахим Липерт «Физикалық медицина және оңалту (ересектер, балалар)» және «Неврология» мамандықтары бойынша резидентура тыңдаушыларына инсульттан кейінгі моторлық функциялар мен сөйлеу қабілетін зерттеу тақырыбында дәрістер циклін өткізді. Өз кезегінде, доктор А. Зелле нейрооңалту әдістемелері бойынша дәріс оқып, практикалық сабақтар жүргізді. Бұл тәжірибе алмасу университетіміздің білім беру бағдарламасына жаңа оқыту әдістерін енгізуге мүмкіндік берді.
Сонымен қатар, Қарағанды медицина университеті мен Schmieder (Stiftung & Co.) KG (Германия) клиникасы арасындағы меморандум шеңберінде Шмидер клиникаларының халықаралық бөлім басшысы Штефан Бёкле және клиника профессорларының жоғары оқу орнының ректорымен ресми кездесуі өтті.