Жаңалықтар

Мамандығы бойынша алған білімін ондаған жылдар бойы қолданып келе жатқан және енді медицина саласына жол ашқан университет түлектері білім берген алтын ұясына дәстүр бойынша тағы да жиналды.

Мерекелік атмосфера кездесудің алғашқы минуттарынан бастап қонақтарды баурап алды. Кештің жарқын әрі күтпеген прологы түлектеріміздің жастық шағындағы әндерден құралған би флешмобы болды. Қонақтардың студенттік жылдарындағы басты музыкалық хиттерінен попурри дайындалды. Таныс ырғақтар уақыт шекарасын лезде жойып жіберді: әртүрлі буын түлектері бишілерді ынтамен қолдап, өздеріне ерік беріп, жалпы флешмобқа қосыла, жастық шағының атмосферасына енді.

Іс-шараның салтанатты бөлігін Басқарма Төрағасы – Ректор, Кошерова Бақыт Нұрғалиқызы ашты. Университет басшысы өзінің құттықтау сөзінде түлектерге мамандыққа адалдығы және отандық денсаулық сақтауды дамытуға қосқан баға жетпес үлесі үшін терең ризашылығын білдірді.

«Әрқайсыңыз – біздің университетіміздің мақтанышы және тірі тарихысыздар. Сіздердің жетістіктеріңіз Қарағандыда тарихи қалыптасқан медициналық білім берудің жоғары сапасын дәлелдейді. Бүгін біз әріптестерімізді қарсы алып қана қоймай, студенттерімізге медициналық дәстүрлердің сабақтастығын көрсетеміз», – деп атап өтті Бақыт Нұрғалиқызы.

Ең әсерлі сәттердің бірі – жарты ғасыр бұрын оқу бітірген түлектердің сахнаға шығуы болды. Олар өздерімен бірге студенттік шақтың жарқын естеліктерін қайта тірілткен ерекше сыйлық – «Курстастар» атты кітапты ала келді. Емдеу факультетінің түлектеріне арналған бейнеролик кештің жан тебірентер сәтіне айналды. Ал сахнада гитараның баяу әуенімен «Достарыңды жоғалтпаңдар» әні шырқалған сәтте, залдағы көпшілік көз жасына ерік берді. Бұл жүректен шыққан, жан дүниені терең толқытқан ерекше әсерлі сәт болды.

Кештің нағыз сәні Нечипоренко Алена, Ғайса Аружан, Конина Милана, университет студенттерінің орындауындағы вокалдық нөмірлер болды. Болашақ дәрігерлер мен жас әріптестер залға жан тебірентерлік композициялар сыйлады. Бұл өнер көрсету ерекше синергия – кәсіпқойлардың аға буынына деген құрмет және олардан медицинаға қызмет ету эстафетасын қабылдауға дайындық сезілді.

Шығармашылық бағдарламаның басты тосын сыйы аты аңызға айналған ұжым – «Қарақөз» халықтық шығыс би ансамблінің алғашқы құрамының өнер көрсетуі болды. Осы кездесуге арнайы жиналған алғашқы құрамның қатысушылары қайта бірігіп, сахнаға шықты. Олардың нәзік, әрі жетілдірілген қимылдары, керемет әсемдігі залда эмоциялар дауылын және естеліктерге жетелеп қошемет тудырды. Бұл өнер көрсету университеттің шығармашылық рухы мен оның үздік дәстүрлері жылдар бойы өзгеріссіз қалатынының тірі символына айналды.

Қарағанды медицина университеті түлектерінің кездесу кеші: медициналық бауырластықтың уақыт шеңбері жоқ екенін тағы да дәлелдеді. Университет әрқашан өз тәрбиеленушілерін есте сақтайды, бағалайды және күтеді, альма-матер есіктері олар үшін әрқашан ашық.