Жаңалықтар
Халықаралық әйелдер күніне орай Қазақстан тарихы және әлеуметтік-саяси пәндер кафедрасында «Әйелдерге қатысты мәдени және әлеуметтік ұстанымдар: Қазақстан мен Үндістан тәжірибесі» тақырыбында танымдық әрі шабыттандыратын іс-шара өтті.Іс-шараны кафедра оқытушысы Алькенова Жанна Хамзекызы және профессор ассистенті Галина Галия Фанильевна ұйымдастырды. Медицина мектебі 2036 және Халықаралық медицина факультеті 2016 және 2006 топтарының студенттері белсенді қатысып, кездесу мазмұнды мәдени диалог айналдырды.
Бұл күні аудитория дәстүрлер мен көзқарастардың жанды алмасу алаңына айналды. Шетелдік бөлім студенттері мәдени нормалар мен отбасылық құндылықтар туралы әңгімелеп, қазіргі Пәкістан мен Үндістандағы әйелдердің қоғамдағы орнының өзгеруі мен нығаюы жайында бөлісті. Өз кезегінде жергілікті студенттер Қазақстандағы әйелдердің жағдайының ерекшеліктерін таныстырып, 8 наурыз — әйелдерге деген жылулық, құрмет пен алғысқа толы Халықаралық әйелдер күнін атап өту дәстүрлері туралы айтып берді.
Диалог интерактивті ойындармен, қызу пікірталастармен және студенттердің түрлі мәдени дәстүрлерге деген шынайы қызығушылығымен қатар жүрді. Іс-шара жылы әрі достық атмосферада өтіп, қалыптасқан стереотиптерді сейілтуге мүмкіндік берді.
Әрбір қатысушы тек білімін бөлісіп қана қоймай, әйелге деген құрмет, оның күші, сұлулық мен даналығын қадірлеуде әртүрлі мәдениеттерді біріктіретін ортақ құндылықтардың көп екенін сезінді. Бүгінгі XXI ғасыр әйелдері дәстүрлер мен жаңа мүмкіндіктерді үйлестіре отырып, заманауи қоғамның келбетін қалыптастыруда.
Кездесудің жарқын қорытындысы ретінде орындалған әсерлі үнді биі мәдени кештің әсем нүктесін қойып, барлық қатысушыларға күлкі, шабыт және шынайы мерекелік көңіл-күй сыйлады.
Кездесу барысында қазіргі қоғамдағы әйелдердің мәртебесі мен рөлі, мәдени және әлеуметтік нормалар, гендерлік теңдік, стереотиптерді еңсеру, сондай-ақ әйелдердің білім алу және кәсіби даму мүмкіндіктерін кеңейту мәселелері талқыланды.
Мұндай іс-шаралар инклюзивті білім беру ортасын қалыптастыруға, гендерлік сауаттылықты арттыруға және мамандық таңдау кезінде кездесетін әлеуметтік әрі мәдени кедергілерді жоюға ықпал етеді. Университет әйелдерді олардың үлесі жеткіліксіз білім беру бағдарламалары мен пәндерге өтініш беруге ынталандырады және медицина, ғылым және менеджмент салаларындағы кәсіби дамуына қолдау көрсетеді.
